30 სექტემბერს ჭუბერში ავტოსაგზაო შემთხვევას ცოლ-ქმრის, მზეო უმფრიანისა და ლევან ანსიანის სიცოცხლე ემსხვერპლა. ამ ამბავმა მთელი საქართველო შეძრა.

როგორც თვითმხილველები ამბობენ, ცოლ-ქმარი ჭუბერიდან მესტიაში მიდიოდა. სოფლის გზიდან ცენტრალურ გზაზე გადასვლისას კი მათ დაბრკოლების სახით სატვირთო მანქანა შეხვდათ, გზის დათმობის დროს მძღოლმა საჭე ვერ დაიმორჩილა და ხევში გადავარდა...

ლევანს და მზეოს 4 მცირეწლოვანი ვაჟი დარჩათ. უმცროსი კი ვაჟი მხოლოდ 3 წლისაა... 

"კიდევ კარგი გარდაცვლილები მაინც ვიპოვეთ"- ამბობენ ადგილობრივები. წყლიდან ავტომობილი იმდენად დაზიანებულია, რომ ცნობაც შეუძლებელი იყო...

ცოლ-ქმარს ჭუბერში 5 ოქტომბერს, 3 საათზე დაკრძალავენ.